أقوى "Scripts" لتأكيد الطلبات ورفع نسبة التوصيل (Delivery Rate)

المرحلة 1: الافتتاحية وهرس ديك البرودية

ألو، السلام عليكم سي/لالة [السمية]! معك [اسمك] من خدمة تأكيد الطلبيات (service confirmation) ديال [البراند] . كنتمنى تكون دوزتي نهارك بخير؟… كنتاصل بك باش نأكد معاك واحد الطلب اللي دوزتي عندنا, على قِبل [المنتج].. و نسهلو ليك التوصيل بلا أي مشكل إن شاء الله. 

المرحلة 2: البيع الثاني (Resell the Value)

أول حاجة، كنهنيك على هاد الاختيار. صراحة، [المنتج] هو الحل الأكثر طلباً عندنا حالياً باش [الفائدة الرئيسية]. النسخة اللي طلبنا ليك هي الأصلية (Originale) وغاتلاحظ الفرق من الاستعمال الأول.
متال :

الـ [Correcteur de posture pour le dos] راه واحد من أكثر المنتجات اللي خدامين معنا دابا.

الناس اللي خداوه كيقولو لينا حسّو بالفرق فـ الوضعية ديال الظهر، نقصات ليهم الآلام، و ولاّو كيجلسو و كيخدمو براحة أكثر.

خصوصاً إلا كنتي كتجلس بزاف فالخدمة ولا فالدار، راه اختيار موفّق بصراحة.

 

(⚠️ مهم: ما تسوّلش هنا، غير زرع القناعة)

المرحلة 3: تأكيد التوصيل

باش يوصل ليك الطلب بسرعة و بلا غلط، أكد معايا العنوان عافاك…

المدينة ديالك هي: [المدينة]؟
الحي / المنطقة: [الحي]؟

 

شنو أقرب نقطة معروفة؟ بحال مسجد، مدرسة، محطة، ولا شي محل معروف؟

(إعادة الصياغة)

يعني: [إعادة العنوان كامل بصوت واضح]
واش هكا مضبوط 100%؟

 

المرحلة 4: خلق الالتزام (The Commitment)

هنا كن واضح وبشكل جدي ولكن محترم ضروري تسمع منو كلمة آه 

Agent :
دابا ندخلو نقطة مهمّة بزاف، و كنطلب منك غير تأكيد بسيط.

الليفرور غادي يعيّط ليك نهار التوصيل فـ هاد الرقم: [رقم الهاتف].
واش متأكد أنك غادي تكون متوفر، و غادي تجاوب، و تستقبل الطلب بلا تأجيل؟

(سكات – خلي العميل يجاوب)

• إذا قال نعم:

Agent :
مرحبا اسيدي 👍 كنشكر الالتزام ديالك، هكا كنضمنو التوصيل يكون ساهل و سريع.

• إذا تردّد:

Agent :
كنقولو هاد الشي حيث أي عدم جواب ولا تأجيل كيضيع الوقت ديالك و ديالنا.
إلا ما كنتيش متأكد من التوفر،la disponibilite dyalk  نقدر نبرمج التوصيل فنهار يناسبك أكثر.

المرحلة 5: الختم (Closing) 

Agent :
إذن نأكد معاك الطلب ديال [Correcteur de posture pour le dos].
الثمن الإجمالي هو: [السعر] درهم، شامل التوصيل، و الأداء عند الاستلام.

التوصيل ما بين [X] و [Y] أيام عمل إن شاء الله.
إلى كان أي تغيير، راه غير تواصل معنا و حنا فخدمتك.

شكراً على الثقة ديالك فـ [اسم المتجر]، و نتمنى يعجبك المنتج 🙏
نهاركم مبروك!